Kufuneka kubekho ikomiti eyodwa esekelwe ukwenza loo nto. Kungoko ke Somlomo namalungu ale Ndlu ndiphakamisa ukuba le komiti ibe namalungu a-11 aza kuthi abengoompondo zihlanjiwe abathe bagocwa-gocwa bafunyanwa bekulungele ukugcina imicimbi enobuzaza yeli lizwe. Eli 11 liza kwakhiwa ngolu hlobo lulandelayo: Aba bathandathu baza kube besuka kwi-ANC; ababini basuke kwi-DA aze omnye asuke kwi-EFF. Amanye amaqela la mancinci aza kumelwa ngabantu ababini.