Sinibonile nizijule ijacu kwilizwe elikude, sanqwala isizwe satsho ngesankxwe. Sithi maz'enethole! Zenenzenjalo nangomso ukuphakamisa ilizwe loMzantsi Afrika. Somlomo ohloniphekileyo, iziTsiba-bhokhwe zilimanyile ilizwe ubone ngamayeyeye, amanxeba ethu masiwabophe ngezemidlalo sibheke phambili. Xa simanyene singenza lukhulu, icekwa lilele kuni ke ukuze niphuhlise abantwana abafuna ukudlala, abafane nani ezilokishini nasemakhaya. Ndiyabulela [Kwaqhwatywa.]